【2024.5.9娛圈熱點】洪金寶前妻曹恩玉近照曝光 《神耆小子》鄭則士冼靖峰蕭正楠爆笑三人組成功入屋

關注一下過去24小時娛圈事Top 5熱話。

洪金寶前妻曹恩玉近照曝光 戴巨鑽赴會貴氣依然

現年72歲的洪金寶上月中在《第42屆香港電影金像獎》榮獲終身成就獎，當晚他在台上他感激現任太太高麗虹40年多年照顧外，亦不忘多謝韓籍前妻曹恩玉為他誕下四名子女。曹恩玉多年來作風一直十錫低調，甚少公開露面，但她與有「鬼后」之稱的王玉環私交甚篤，不時相約聚會。

日前王玉環在社交平台晒出聚會照，並寫道：「好友常聚，40多年的老朋友相聚會開心愉快的午餐。」相中，當日王玉環與曹恩玉、鄧光榮遺孀嚴納珍相約飯敘，曹恩玉以一身全黑打扮現身，更悉心化上淡妝、配戴巨型方鑽戒指，盡顯高貴優雅氣質。其間，她與王玉環更對着鏡頭大擺心心手勢，心情大靚！

▼詳情點擊圖片查看或按連結

神耆小子｜鄭則士冼靖峰蕭正楠爆笑三人組成功入屋 阿蕭Archie做父子掀熱話

由王偉仁監製、林麗媚擔任編審的《神耆小子》，逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

昨晚（5月7日）一集內容雖以查案為主，但爆笑位相當多，無論是Archie與Kent哥的棟篤笑式一唱一和，或是Edwin、Archie與Kent哥的舌戰式對壘均火花十足。Archie在演戲方面雖然還是新丁，但喜劇節奏意外地好，其中夾在Kent哥與Edwin之間進行談判的場口，Archie不時以主持式口脗說出「咁你有咩回應？」、「冷靜啲呢位先生」等持平說話；配以Edwin變化豐富的搞笑式嬲怒表情，及與Kent哥句句有骨的互寸對白：「正所謂仙女下凡塵，點可以搵個普通人，仲要係個流氓」、「咩叫有啲乞人憎，係非常乞人憎」等，大大增加觀看性，難怪網民正評夠搞笑，還大讚Archie以新人來說演繹相當自然。網民：「好睇喎，肥猫演技100分爆分」、「喺蕭正楠屋企嗰場笑C」、「Kent哥喜劇感一流」、「Archie雖然唔靚仔，但第一次拍劇又咁重戲份表現都幾好」、「初初拍劇仲要咁重戲份算係咁啦」、「我都覺佢做得好好，聽講鄭則士教佢好多嘢。」另Edwin與Archie在劇中飾演兩父子亦引發熱議，網民更分為支持派及反對派，支持派認為以阿蕭真實年齡，絕對能升任飾演Archie父親；反對派則普遍認為Edwin保養得宜，與Archie雖有「父子相」，但感覺似兄弟更勝父子。還有網民發揮創意謂：「會唔會其實係養父？」對劇情後續發展充滿期待。

▼詳情點擊圖片查看或按連結

42歲韓藝瑟閃電宣布已婚 下嫁小10歲男友決定不辦婚禮

曾參演《九尾狐外傳》、《美女的誕生》、《20世紀少男少女》、《Big Issue（勁爆狗仔隊）》等韓劇的42歲女演員韓藝瑟，5月7日透過社交網宣布自己與小10歲男友柳成宰已經登記結婚的喜訊，韓藝瑟表示她與老公決定不會舉辦任何儀式或是派對，態度十分豁達。

▼詳情點擊圖片查看或按連結

南宮珉入圍四次首奪百想視帝 李荷妮產後復出封視后

韓國演藝界年度盛事「第60屆百想藝術大賞」於5月7日晚於首爾三成洞COEX舉行，大會頒發電視、電影、話劇部門多個獎項，今年電視部門競爭激烈，最終大贏家為掀起韓式超級英雄熱潮的人氣劇《Moving超異能族》，分別包攬最佳男新人獎、最佳劇本和全晚最高榮譽的大賞共三獎。今年號稱死亡之組的「視帝」，就由《戀人》南宮珉奪下最佳男主角，《夜晚開的花》李荷妮奪最佳女主角。

▼詳情點擊圖片查看或按連結

曾寶儀疑被舊愛黃子佼拖累 主持活動臨時遭撤換

台灣知名主持人黃子佼自捲入性醜聞風暴後，演藝事業暫停，4月又被爆出購買持有未成年少女偷拍片、性侵未成年指控，引發各界批評遭到外界一片撻伐，老婆孟耿如、恩師張小燕亦遭受波及。今日（5月7日）傳出，曾寶儀原定主持4月16日韓國女星孫藝珍首度訪台代言記者會，但由於其黃子佼前女友身份，遭到臨時撤換。而曾寶儀的經理人亦證實有此事，拍因為與廠商老闆很熟，擔心會模糊活動焦點，雙方經過討論後覺得這樣的決定比較好。

▼詳情點擊圖片查看或按連結

羅毓儀預告劇集後段形象將180度大轉變！ 

由王偉仁監製、林麗媚擔任編審的《神耆小子》，逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

第三集焦點係Yuki。

仲有樊亦敏同吳子冲。

《神耆小子》昨晚（8日）播出第三集，暫居子勇（蕭正楠飾）及一鳴（冼靖峰飾）兩父子家中的錢大海（鄭則士Kent哥飾），與子勇繼續小學雞式連場鬥氣，期間子勇使出一招「古惑牛肉餅」，令大海辣到氣咳兼嘔吐大作，場面混亂又爆笑；Kent哥雙眼及滿面通紅的演繹，更令像真度倍升，盡顯功架。

Yuki一出場就大晒美好身段。

仲要一嚟就七情上面咁同Archie鬥氣。

仲要一嚟就七情上面咁同Archie鬥氣。

Yuki啲小動作勁Cute。

咁可愛又真摯又甜美嘅「道歉8連環」。

網民被Yuki嗲功折服：我一定原諒你
昨晚一集焦點，落在首度登場的羅毓儀（Yuki）及樊亦敏身上。飾演多多的Yuki，甫出場即講大話欺騙「迷你倉四子」冼靖峰（Archie）、關曜儁、邵展鵬及羅永健；不過由於多多樣子甜美、打扮Trendy身形又弗，再加上被踢爆講大話後以極真摯的「天真孩子眼」及「燦爛笑容」、配以既可愛又可憐、兼無敵甜美的「道歉8連環」，成功冧掂Archie以外其餘三子，更順利「入屋」與四子合作做生意，令Archie頗為不滿。對於Yuki的甜美道歉8連環，網民亦大為受落，並笑言：「超靚！超嗲！」、「我一定原諒你」；還有網民大讚Yuki美腿無敵、身形超Fit。

真係想唔心軟都難，睇下「迷你倉3子」嘅樣！（左起：邵展鵬、羅永健、關曜儁）

但係冼靖峰似乎唔多相信Yuki。

佢哋兩個之後有排鬥氣。

佢哋兩個之後有排鬥氣。

為連戲每次埋位前要狂夾粉色髮片
Yuki在劇中以「七彩背影」首度登場，極度吸睛；談到新鮮感十足的Shocking Pink Highlight頭造型，Yuki坦言很喜歡，皆因她本人也很喜歡粉紅色：「要多謝髮型設計師，佢哋畀咗好多心機。我頭髮本身係黑色，而且拍攝《神耆小子》時我有連住其他劇，冇辦法真係去染髮，⁠但因為監製、編劇同導演一致認為多多身為設計師，造型應該鮮明啲，所以最後啲粉紅色頭髮其實係髮片嚟。」Yuki續指每次埋位拍攝前，除了要逐片髮片夾回頭上，還要額外花時間紮辮，打⁠造需時。談到長期以牛仔褲及短打出場，Yuki解構指是想配合角色人設及髮型，希望打造出活潑醒目感。問到牛仔褲數目，Yuki笑指印象中至少有6至８件左右，並透露相關打扮與後續感情發展有關，兼劇透指之後因為一個原因，形象會有180度大轉變！

Yuki今晚一集嘅造型都好正架！

身形好弗。

坦言身邊人擔心童顏被定型
入行五年左右的Yuki，一直不乏綜藝及劇集演出機會，只是礙於生得太童顏，在劇集中多飾演學生妹或是女主角年青版，由於不止一次飾演林夏薇年青版，更有「御用年青版林夏薇」封號。談到今次跳出學生妹框框轉為飾演Trendy大話妹，Yuki坦言接到角色時很開心，也鬆了一口氣：「接到角色時真係超級勁開心，因為呢套劇都算係《下流上車族》之後最重戲份嘅劇！我覺得自己算係比較幸運，好多謝公司畀咁多機會我，又畀我嘗試跳出學生妹框框。之前一直都有好多台前幕後同埋觀眾朋友擔心我有機會被定型。雖然今次角色年紀都唔算大，但係層次比較豐富，希望可以有突破，畀到觀眾新鮮感。」

樊亦敏與吳子冲的關係耐人尋味。

唔單止傅嘉莉覺得唔妥。

錢大海直頭覺得成頂綠帽由頭戴到落腳。

吳子冲貼身白Tee晒巨胸令網民錯重點
另一戲肉則是因洪玫瑰（樊亦敏飾）與公司小鮮肉傑仔（吳子冲飾）過從甚密，玫瑰除對傑仔照顧有加，又公然摸傑仔手臂及在自己辦公室搣傑仔面珠，引發大海女兒有方（傅嘉莉飾）疑心之餘，亦令暗中全方位監察公司的大海因自覺被戴綠帽而暴跳如雷，在子勇家瘋狂掟嘢發洩。值得留意的是，飾演小鮮肉的子冲，除了以「送水傑」身份出場搶贏頭啖湯，在劇中經常出現的貼身白tee造型亦相當吸睛，白滑麒麟臂及健碩胸肌一覽無遺，令網民經常錯重點將焦點放在子冲美好身段上。

吳子冲以「送水傑」身份出場。

呢件緊身白Tee搞到網民錯晒重點。