影片
更多
2012-06-17
177 瀏覽
我雖然係一個初級食家，但我不時都有上下OPENRICE search下有咩好野食，我個人就幾鍾意食日本野既，我個仔之前就係葵芳個便返學，咁見個便有間日本餐廳好似幾吸引咁，就上網search下啦，之後過幾日就拉大隊去試下，個日係星期三，平日無咁多人，食得好舒服。一入到去已經好好招呼態度，而且佢地既玄米綠茶好香，唔會有好苦既味，平時我都好少飲茶，因為會訓唔著，但係因為真係幾香又唔太濃，最尾我都係有飲，好啦入正題啦，佢地無話放題呀、幾多錢任食呀，餐排有咩就叫咩，牆上仲有D特別推介，個日去就有飛魚刺身，聽到個名都覺得特別，就叫黎試下先初初望落去，如果接受能力唔高既話都會覺得好似好奇怪咁，不過食落口，好鮮甜！不論係點唔點佢D汁都好鮮甜，唔會有腥味，佢地既壽司師傅刀工果然了不起！仲自己調配一個特制既酸汁，加上蘿蔔茸同埋蔥，果然一黎到就有特別驚喜！當然啦，我地黎到日本餐廳無理由唔食三文魚刺身同埋壽司啦，另外我地有叫個蟹籽沙律。 D蟹籽同沙律醬睇相同埋真實都好足料，D菜超級爽口，問返點解會咁爽口呢？原來佢D菜每日都會新鮮運到，之後啤水，再雪，令到D菜個質地好爽。D壽司呢就魚生大過舊飯，呢樣一定要大讚，
我個人就幾鍾意食日本野既，我個仔之前就係葵芳個便返學，
咁見個便有間日本餐廳好似幾吸引咁，就上網search下啦，
之後過幾日就拉大隊去試下，個日係星期三，平日無咁多人，食得好舒服。
一入到去已經好好招呼態度，而且佢地既玄米綠茶好香，唔會有好苦既味，
平時我都好少飲茶，因為會訓唔著，但係因為真係幾香又唔太濃，
最尾我都係有飲，好啦入正題啦，佢地無話放題呀、幾多錢任食呀，
餐排有咩就叫咩，牆上仲有D特別推介，個日去就有飛魚刺身，聽到個名都覺得特別，
就叫黎試下先
初初望落去，如果接受能力唔高既話都會覺得好似好奇怪咁，不過食落口，好鮮甜！不論係點唔點佢D汁都好鮮甜，唔會有腥味，
佢地既壽司師傅刀工果然了不起！仲自己調配一個特制既酸汁，加上蘿蔔茸同埋蔥，
果然一黎到就有特別驚喜！
當然啦，我地黎到日本餐廳無理由唔食三文魚刺身同埋壽司啦，
另外我地有叫個蟹籽沙律。
D蟹籽同沙律醬睇相同埋真實都好足料，D菜超級爽口，問返點解會咁爽口呢？原來佢D菜每日都會新鮮運到，之後啤水，再雪，令到D菜個質地好爽。
D壽司呢就魚生大過舊飯，呢樣一定要大讚，我食親出面個D壽司店都係好大舊飯，魚生細，
佢又唔係話好細舊飯，因為我覺得飯太大舊就會好快會因食飯而飽左
我有個FD一向都好鍾意食花之戀，但點知佢地餐牌上係無供應的，不過老闆都好好幫我地整，
順帶一提，佢地提供個個係海膽親子卷，同花之戀差不多，不過上面無蟹籽同沙律醬變左海膽，
都好好味，因為我之後有去過食都幾好味
香芒軟殼蟹卷，如果撞正D芒果酸既話就無咁好味，不過呢次就好彩，D芒果好甜好香，黎遠都聞到D芒果味，仲以為食緊甜品！
軟殼蟹都炸得好香脆，幾特別！
之後有D熱食都好吸引我，包括清酒煮蜆、海鹽燒牛舌、海鹽燒雞翼同埋海鹽燒軟骨，日式蛋卷我地都有食，未試過食呢款咁特別既蛋，甜甜地又唔會好漏，
賣相都幾靚，仲有食左佢地既招牌黃金蝦，
上面加左D金菇啊、牛油、仲有蝦肉一齊焗，係焗唔係炸，超香！係廚房拎出黎個下已經聞到曬D香味，
餃子雞翼，我地覺得未食過又好特別，D餃子壤入去雞翼，好正！其實仲有好多好野食，不過要錫住個荷包，下個月頭再食過
下次食其他野就分享比大家睇！
題外話/補充資料：
個到唔收卡，要準備定現金找數，有DD唔方便，不過佢好在就係免加一，服裝態度又唔錯！
如果有車既話，可以泊上去恆景商場個停車場，佢地會提供泊車券免費泊車 :)
(以上食評乃用戶個人意見 , 並不代表OpenRice之觀點。)
張貼
