利物浦兩位「玻璃腳」齊告別
2024年05月18日 10:02
東網電視
更多新聞短片
堤亞高艾簡達拿(左)及祖爾麥迪比(右)將於今夏約滿離隊。
利物浦正式宣布，中場堤亞高艾簡達拿、中堅祖爾麥迪比將於今季結束後，約滿離隊，由於兩人因為受傷，一直缺陣，意味無緣喺周日(19日)晚英超煞科戰主場對狼隊，上演告別戰。
現年33歲嘅堤亞高艾簡達拿4年前由拜仁慕尼黑加盟紅軍後，經常受傷，今季更加只曾上陣1次，就係2月初對阿仙奴，早已傳出不獲續約，現時正式證實離隊。
至於32歲嘅祖爾麥迪比效力利物浦8年，同樣屬於容易受傷的男人，今季僅上陣14次，會方有意推行年輕化，放棄呢兩位「玻璃腳」老將非常正路。
根據意大利傳媒爆料，意甲雙雄羅馬、拉素都有興趣簽入祖爾麥迪比，西甲球隊貝迪斯、基羅納睇中堤亞高艾簡達拿。