馮盈盈孖一眾師妹分享選美難忘事 呼籲靚女大膽報名選港姐

《2024香港小姐競選》已經展開全球招募，呢日一班歷屆港姐馮盈盈、陳曉華（Hera），及即將卸任嘅莊子璇（Hilary）、王怡然（Lynn）、陳曉彤（Cindy）就以過來人身份作客《流行都市》分享佢哋嘅選美之路。

大家講返起當年選美經歷都覺得歷歷在目，盈盈呢位師姐就話見到每年有新嘅女仔過嚟選，自己最想就係同大家分享，選完港姐後所得到嘅精彩體驗同冒險旅程，希望借此吸引更多人報名；Hera就回想選美期間可以20個女仔一齊互相扶持，一齊度過辛苦時刻，令佢非常難忘。

Hera仲話自己日前見到同屆嘅陳若思（Amber），嗰種親切感覺就好似見到家人一樣。至於Hilary就認為成個選美旅程好奇妙，亦係共同經歷同感受呢份難忘時刻。

喺五位女仔之中，作為2016年港姐嘅盈盈算係大師姐喇！雖然過咗咁多年，但係佢狀態仍然大勇，所以佢同師妹們都呼籲各位女孩唔好浪費自己嘅美貌亦唔使擔心，做足準備就要把握時機報名，或者喺社交平台私訊向佢哋提問都可以！
 
《2024香港小姐競選》報名截止日期6月10日