男團MIRROR在澳門一連四場演唱會昨晚（16日）開鑼，成員姜濤近日瘦身漸見成績，他在騷後竟然激罕po多張露手臂的照片，令姜糖大感驚喜。
同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？
姜濤的身形向來是外間焦點，去年一度身形暴脹的他，夏天都經常穿闊身長袖衫或大褸遮掩。今年他開始慢慢瘦下來，上月在維園獲波友慶祝生日時，他穿短袖tee配藍球衫，看來身形清減了，面形也比之前尖。
瘦身開始有成績的姜濤越來越自信，平時以長長瀏海遮額頭的他，難得曬額頭「派福利」。昨晚感冒未清、病住開騷的他，在騷後分享於後台熱到爆汗的照片，重點更落在他摺起衫袖，大騷手臂，留言：「最後三場！感冒給我好起來！」雖然姜濤雙臂未算十分結實，但姜糖「首次」睇到偶像手臂全貌，都大呼驚喜：「出身汗，好快康復。多謝福利，我哋大飽眼福，有額頭又有手臂睇」、「手臂仔果然係絕對領域」、「物以罕為貴，真係唔使成日露」、「係咪發緊夢？姜Man露兩手」、「係咪第一次見你主動露手臂？見到你日子有功，又瘦左」等等。
另外，昨晚澳門站為MIRROR世界巡唱最終站，原訂演唱會encore的彩蛋環節，因應尾站也特意改為團歌送驚喜，每晚一首晚晚不同，昨晚率先有《一秒間》。眼見巡演最後倒數，12子不捨之餘，也輪流出口術推高Fans情緒。MIRROR自今年1月，在香港首站舉行16場演唱會後，4個月間馬不停蹄在倫敦、曼徹斯特、洛杉磯、三藩市、紐約、多倫多及新加坡舉行巡場， 來到第九站尾站澳門，Fans熱情不減，昨晚12子不間斷唱出《WE ALL ARE》 、《One and All》 、《IGINITED》 、《一秒間》 、《BOSS》 及《Catch A Vibe》，台下更是齊齊大嗌MIRROR 跟住唱！正如隊長Lokman在台上不斷提醒fans，尚餘三晚巡唱便正式完結，所以買飛入場的Fans記得要企起身盡情投入，與MIRROR創造難忘快樂的時刻。
（點擊即睇MIRROR澳門頭場靚相）
圖片來源：IG、大會提供
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】 Midea美的25公升氣炸焗爐！↓
↓ 結合「氣炸」同「烘焙」︱0.2秒即熱︱7種烹調模式↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
