雙重打擊！炒股輸90萬周身債慘被女飛 29歲港男長期失眠萬念俱灰獲網民打氣

港男因炒股損失90萬，欠債累累的他更慘被另一半拋棄，他長期失眠對人生心灰意冷，網民紛紛為他打氣。

港男炒股敗光30萬積蓄

該港男於高登討論區以「炒股輸左接近90萬，覺得人生玩完咗」為題發文，表示自己29歲，月入一萬多，在2021年開始涉足股票投資「全部都係炒美股，當中炒妖股、期權居多」，他坦言最初他因炒股成功賺取一筆可觀的利潤「試過用3000蚊炒到上9萬6蚊」，但由於貪心未能及時止損，導致投資失利，辛苦儲來的30萬積蓄化為烏有。

借錢炒股欠債60萬

為了彌補虧損「開頭輸左十幾萬唔甘心，想追返輸左果啲」，他不顧一切地向銀行、財務公司以及親朋好友借錢炒股，然而卻沒能扭轉頹勢，反而欠下了更多的債務「覺得自己已經好似控制唔到自己咁，到而家欠債60萬」。

更慘被女友拋棄萬念俱灰

面對眼前的困境，港男感到非常沮喪及無助「我啲積蓄都拎哂黎還錢，而家根本上係月月清」，長期的壓力更令他晚晚失眠「連健康都影響埋，呢排既失眠已經愈來愈重，每日都諗點追數」。而更讓他傷心的是，女朋友亦提出了分手「連另一半都離自己而去」。大受打擊萬念俱灰的他，更萌起輕生的念頭「好想離開呢個世界就算」。

網民打氣：人生邊有咁易完

帖文引熱議，不少網民留言安慰「人生邊有咁易完」、「唔使咁灰嘅，希望在明天吖嘛」、「努力還債，努力重新做人，唔好再重蹈覆轍」、「年青輸咗獲，經驗值先會升，好過你到老先輸，冇得番身」、「60萬話少唔少，話多又唔係多，仲後生，留得青山在呀」。

網民建議申請破產從新出發

有人則建議「60萬，即係 min pay 都唔夠咁喎，如果都係啲西工，可能要考慮下破產了」、「如果借正規銀行/有牌財仔，建議破產等4年，冇咁痛苦之餘係最快」、「還唔到咪破產囉，之後四年省啲洗，過左去，四年後又一條好漢呀！」

防止自殺求助熱線：

「情緒通」精神健康支援熱線：18111 

香港撒瑪利亞防止自殺會： 2389 2222

撒瑪利亞會熱線(多種語言)： 2896 0000

生命熱線： 2382 0000

明愛向晴軒： 18288

社會福利署： 2343 2255

東華三院芷若園： 18281

醫管局精神健康專線： 2466 7350

賽馬會青少年情緒健康網上支援平台「Open 噏」：http://www.openup.hk

帖文來源：高登討論區

繼早前網上流傳市面湧現$500假鈔，多人中招後，有網友在FB群組手持3張鈔票，提醒大家「收錢嘅小心！估下這裡只有幾多錢？」暗指有騙徒以澳門10元扮100元港幣，他不幸中招！

示意圖片

紙鈔背景同是紅色 亦是中國銀行發行

這位網民在群組上載圖片，相片中有人手持3張鈔票，右邊第一張很明顯是100元港幣，但左邊兩張紙幣因被遮住了，望上去背景同是紅色，亦是中國銀行發行，唯看不到金額。樓主寫到「收錢嘅小心！估下這裡只有幾多錢？」

FB群組圖片

眼利網民找出兩者不同

很多眼利的網民留言「大約120港元，睇到BANCO DA CHINA（葡萄牙文「中國銀行」）」、「100蚊港幣加20蚊澳門元」、「澳門錢大細唔同，其實好易認」、「建築物是澳門中銀大廈」，更有人指「你唔講我都睇唔出問題」。

FB截圖

樓主慘失180.6港元

如網民所言，樓主本應收到300港元，但卻被騙徒以兩張澳門10元紙幣（約9.7港元）矇混過關，實收只有119.4港元，損失了180.6港元。

示意圖。《愛回家》劇照

再三提醒：收錢嘅，一定要一張張數！

網民問到「是否有人中招」、「謝謝提醒」、「真係好似樣」、而樓主最後亦都在留言區語重心長地寫到「收錢嘅，一定要一張張數！點清楚！」