KellyChu - 特首親手束花送兩位李太 | Executive日記
更新時間：02:00 2024-05-13
發佈時間：02:00 2024-05-13
發佈時間：02:00 2024-05-13
字體大小
昨日係母親節，係孝順子女向媽咪表達感恩嘅日子。特區政府多名官員都喺社交網站發文，祝願「母親節快樂」。特首李家超喺禮賓府，與花園組同事一起準備花束，為佢生命中兩位偉大嘅「媽媽」準備小小心意。
李家超向自己母親同太太送上美麗嘅鮮花。李家超話：「感謝母親和太太多年來不辭勞苦，為家庭無私奉獻。祝所有媽媽母親節快樂。」而財政司司長陳茂波話，無論係一起聚餐或外出逛街，同家人親友相聚嘅時光都會成為珍貴嘅回憶。他話不少商場、零售商店和食肆都趁母親節推出各種推廣優惠，希望大家開心過這一天。保安局局長鄧炳強話，昨天係大日子，問︰「各位囝囝囡囡爸爸，準備好未？」他喺文中以Hashtag主題標籤說，「#謝謝妳照顧好家庭」、「#不但是我的唯一」、「#也是我女兒的唯一」。
何永賢到酒樓派心意卡
房屋局局長何永賢亦到沙田禾輋邨一間酒樓，同民建聯會務顧問李慧琼等人，派發環保香皂花及心意卡。期間何遇到一對母子，邀請小朋友「錫媽媽一啖」。
消防處亦在社交網站祝天下媽媽母親節快樂，指「照顧仔女唔係一件容易嘅事」，感謝各位媽媽的付出，包括在消防處不同崗位為家人及市民奮鬥的媽媽。
KellyChu
保安局局長鄧炳強亦晒出準備母親節禮物。
最Hit
